“Bilirdik ki, Lənkəranda işimiz çətin olacaq. Ona görə də maksimum dərəcədə diqqətli olmağa çalışdıq. “Xəzər Lənkəran” yaxşı komandadır”. Bu fikirləri apasport.az saytına açıqlamasında Təl-Əviv “Makkabi”sinin kapitanı Batista Nivaldo Santana deyib. Avropa Liqasının II təsnifat mərhələsi çərçivəsində “Xəzər Lənkəran”la görüşən İsrail təmsilçisi “Makkabi” iki oyunun nəticəsinə görə növbəti mərhələyə yüksəlib. Belə ki, Tel-Əvivdəki oyunda 3:1 hesabı ilə qələbə qazanan “Makkabi” Lənkərandakı oyunda qolsuz heç-heçəyə nail olub.

Oyunun komandası üçün çətin keçdiyini etiraf edən Santana İsraildəki oyunla və ölkəmizdəki matçda təmsilçimizin çıxışını müqayisə edib: “İsraildəki “Xəzər Lənkəran”la burdakını müqayisə etməyə ehtiyac yoxdur. Çünki biz öz oyunumuza diqqət yetirirdik. Əsas olan bizim necə oynamağımız idi. Yekunda istədiyimiz nəticəni qazandıq və III mərhələyə adladıq”.

Kapitan “ağ-yaşıllar”ın heyətində bir futbolçunu bəyəndiyini deyib: “8 nömrəli futbolçunun (Eder Bonifim) oyunu xoşuma gəldi. Onu fərqləndirmək istərdim”.

Santananın sözlərinə görə, ilk dəqiqədən etibarən vaxt udmaq məqsədi ilə tez-tez yerə yıxılan və həkimin meydana daxil olmasına şərait yaradan futbolçularının bunu qəsdən etmədiklərini deyib: “Biz öz oyunumuzu oynadıq. Əsas olan nəticə qazanmaq idi, buna nail olduq”.

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər