Bahodir Nasimov darmadağına sevindi

24.07.2011 - 10:02

Özbəkistan milli komandası DÇ-2014-ün seçmə mərhələsində Qırğızıstan yığması ilə qarşılaşıb. Apasport.az saytının məlumatına görə, Bakının "Neftçi" klubunun futbolçusu Bahodir Nasimovun da forma geyindiyi oyunda özbəklər rəqibi darmadağın ediblər - 4:0.

2010/11 mövsümündə Azərbaycan Premyer Liqasının ikinci ən yaxşı bombardiri olan, lakin uzun müddətdir qol həsrəti yaşayan Nasimov görüşün ikinci hissəsində komandanın kapitanı Sərvər Cəpərovu əvəzləyib. Qollara isə Aleksandr Heynrix (28-ci dəq.), Marat Bikmayev (49-cu dəq.), Sərvər Cəpərov (56-cı dəq.) və Uluqbəy Bakayev (90+2-ci dəq.) imza atıb.

Qeyd edək ki, bu komandalar arasında cavab görüşü iyulun 28-də baş tutacaq.

Mənbə: neftchifc.com