Uruqvay milli komandası Amerika kubokunun qalibi olub. Apasport.az saytının məlumatına görə, uruqvaylılar Argentinanın “Monumental” stadionunda keçirilən final oyununda Paraqvay yığmasına böyük hesabla qalib gəlib - 3:0. Komandanın hücumçuları – Luis Suareslə Dieqo Forlan vurduğu qollarla qələbəni təmin ediblər. Suares oyunda hesabı açıb, ardından Forlan dubl edib.

Maraqlıdır ki, Paraqvay yığması turnirdə heç-heçələri sıralayaraq, ¼ və yarımfinalda oyun sonrası penaltilərlə rəqiblərindən üstün olmuşdu. Ancaq finalda onlar zəif təsir bağışladığından, azarkeşlər gərgin mübarizənin şahidi olmayıb.

Qeyd edək ki, Uruqvay bu qələbə ilə 15-ci dəfə Amerika kubokunun qalibi olub. Bununla da o, turnirin tarixində ən titullu komanda oldu.

• "Arsenal"ın sabiq futbolçusu II Liqa klubunda - RƏSMİ
• “Fənərbaxça”nın futbolçusu sərbəst buraxılıb
• “İnter”in hücumçusu sıradan çıxdı
• “Barselona”da yeni müqavilə
• “Fənərbaxça”dan transfer bombası: HƏDƏFDƏ LUKAKUDUR