“Xəzər Lənkəran” dağılmır və əvvəlkindən daha da iddialı olacaq”. Bu barədə apasport.az saytına cənub təmsilçisinin rəisi Səməd Mustafayev məlumat verib.

Avropa Liqasının II təsnifat mərhələsinin “Makkabi” (Təl-Əviv) ilə cavab oyunundan sonra “ağ-yaşıllar”ın baş məşqçi Mirça Redniki istefaya göndərməsi, legionerlərdən imtina edib əsasən gənc yerli futbolçulara üstünlük verəcəyi barədə yayılan xəbərlər şok effekti yaratmışdı. Amma az öncə əməkdaşımızla söhbətində Mustafayev bildirib ki, rumıniyalı mütəxəssislə danışıqlar yekunlaşıb və transferə çıxarılan futbolçular komandada qalacaqlar.

Bununla belə, klub rəsmisi ad çəkməsə belə, heyətə layiq olmayan futbolçuların transferə çıxarılacağını və onların əvəzinə daha güclü futbolçuların alınacağını vurğulayıb: “Komandamızın məqsədi əvvəlki kimi, yenə ölkə çempionatında qızıl medallar, kubokda isə qalib adı uğrunda mübarizə aparacaq”.

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər