Alman mütəxəssis millimizdən narazı qaldı

26.07.2011 - 10:14

17 yaşadək qızlardan ibarət Azərbaycan yığmasının baş məşqçisi Sissi Rayt komandasından narazıdır. Apasport.az saytının məlumatına görə, almaniyalı mütəxəssis Gürcüstan millisi ilə yoldaşlıq oyunundakı 4:0 hesablı qələbədən də tam razı qalmayıb. Onu futbolçuların “Dalğa Arena”da göstərdiyi oyun qane etməyib: "Böyük hesablı qələbə qazandığımıza görə sevinirəm. Buna baxmayaraq, bu gün meydanda fərqli komanda gördük. Xüsusilə də ikinci hissədə fiziki, taktiki baxımdan futbolçularımın oyunu məni qane etmədi".

Mənbə: affa.az