AFFA-nın Futbol Mərkəzindəki “Dalğa Arena”da avqustun 10-da, saat 20:00-da keçiriləcək Azərbaycan – Makedoniya milli komandaları arasında beynəlxalq yoldaşlıq oyununun azarkeşlərinə assosiasiya tərəfindən avtobuslar ayrılacaq. Apasport.az saytının məlumatına görə, azarkeşlər metronun Əzizbəyov stansiyasından “Dalğa Arena”ya gedib-gəlmək üçün ayrılan avtobuslardan pulsuz istifadə edə biləcəklər. Həmin gün saat 18:00-dan başlayaraq hərəkət edən avtobuslara minmək üçün oyunun biletini təqdim etmək vacibdir.

Qeyd edək ki, oyuna biletləri Tofiq Bəhramov adına Respublika stadionunun qarşısında, Park Bulvarda, Şüvəlan Parkda, Xəzər Golden Beach-də və Accessbank-ın Mərdəkan filialında almaq olar.

Mənbə: affa.az

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər