Sergey Yuran Mehman Allahverdiyevlə görüşəcək

26.07.2011 - 12:09

Azərbaycan Premyer Liqasına hazırlığını Zaqatalada keçirən "Simurq" klubu yoxlama görüşündə qüvvəsini sınayacaq. Apasport.az saytının məlumatına görə, baş məşqçi Sergey Yuran futbolçularını "Kəpəz"lə görüşdə sınaqdan keçirəcək. Mehman Allahverdiyevin çalışdırdığı Gəncə təsmilçisi ilə yoxlama oyunu iyulun 27-də Zaqatala Olimpiya Kompleksinin stadionunda baş tutacaq.

Həm "Simurq", həm də "Kəpəz"in baş məşqçisi baxışda olan yeni futbolçularla bağlı qərarı yoxlama görüşündən sonra açıqlayacaq.

Qeyd edək ki, əyalət təmsilçiləri növbəti mövsümdə qarşılarına ilk "altılığ"a düşmək uğrunda mübarizə aparmaq məqsədi qoyub.