“Jalə” “Spartak”ı Qəbələyə gətirdi

27.07.2011 - 14:40

Azərbaycanda beynəlxalq futbol turniri keçiriləcək. Apasport.az saytının məlumatına görə, turnir “Qəbələ” klubunun təşəbbüsü, “Jalə” şirkətinin sponsorluğu ilə iyulun 30-31-də Qəbələdə baş tutacaq.

İki yerli – “Qəbələ”, “Kəpəz” və iki əcnəbi – “Spartak” (Sxinvali, Gürcüstan), “Dila” (Qori, Gürcüstan) komandalarının qatılacağı yarış olimpiya sistemi ilə keçiriləcək. Əvvəl yarımfinallar, ertəsi isə əvvəl ilk günün məğlubları, sonra isə qalibləri üz-üzə gələcək.

30 iyul

10:00 – “Kəpəz” – “Spartak”
18:00 – “Qəbələ” – “Dila”

31 iyul

10:00 – 3-cü yer uğrunda oyun
18:00 – Final

Turnirin bütün matçları Qəbələ şəhər stadionunda keçiriləcək. Turnirin qalibi kubok və medallarla təltif olunacaq. “Qəbələ” - “Dila” və turnirin final oyunu “İdman Azərbaycan” kanalı vasitəsilə canlı yayımlanacaq.