Tanınmış seneqallı futbolçu Əl-Hacı Diuf ağır cəzalandırılıb. Apasport.az saytının məlumatına görə, Seneqal Futbol Federasiyası İngiltərənin “Blekbern” klubunun hücumçusunu 5 illik diskvalifikasiya edib. Bu qərar Diufun ölkənin futbol rəhbərliyini korrupsiyada ittiham edəndən sonra qəbul olunub.

Əl-Hacı bağışlana bilər, ancaq bunun üçün o, dediklərini sübut etməli və korrupsiya ilə bağlı araşdırmada iştirak etməlidir. Yığmada çıxışını 2009-cu ildə bitirən 33 yaşlı futbolçu milliyə qayıtmağa cəhd etsə də, federasiya buna əngəl olub.

Qeyd edək ki, Diuf DÇ-2002-də parlaq çıxışından sonra diqqət mərkəzinə düşərək, “Liverpul”a transfer olundu və sonradan başqa İngiltərə klublarına keçərək, 10 ilə yaxındır Premyer Liqada oynayır.

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər