Saxta statistika azərbaycanlıları qabağa saldı

28.07.2011 - 12:59

Beynəlxalq Futbol Tarixi və Statistikaları Federasiyası (İFFHS) öz ölkələrinin yüksək liqalarında ən uzun “quru seriya”ya malik olan qapıçılarının siyahısını açıqlayıb. Apasport.az saytının məlumatına görə, sonuncu dəfə 2 ay əvvəl açıqlanan cədvəldə müəyyən dəyişikliklər baş verib.

Özü də 660 dəqiqə həddini keçən əlcək sahiblərinin siyahısı bu dəfə artmaq əvəzinə azalıb.

Belə ki, 459 göstəricini yenidən təftiş edən İFFHS bunlardan birinin saxta olduğunu üzə çıxarsa da, həmin qapıçının adını açıqlamayıb. Artıq siyahıda 458 göstərici qalıb və “Qarabağ”ın Avroliqanın III təsnifat mərhələsində rəqibi “Brügge”nin əfsanəvi qapıçısı Dani Verlindenin dünyada 3-cü olmağı diqqət çəkir.

Siyahıdakı dəyişiklik Azərbaycan milli çempionatında qeydə alınan göstəricilərə, siyahıya düşən 15 qapıçımızdan 14-ə təsirsiz ötüşməyib. Ən yaxşımız Nizami Sadıqovun Azərbaycan rekordu istisna olmaqla, digər nəticələrimiz irəliləyişə nail olub. Onlar hərəyə 1 pillə qabağa düşüb.

İlk “onluq”

1. Geraldo Pereyra de Matos Filyo "Mazaropi” (“Vasko da Qama”, Braziliya) – 1816 dəqiqə
2. Tabet Əl-Bətəl (“Nasyonal”, Misir) – 1442
3. Dani Verlinden (“Brügge”, Belçika) - 1390
4. Joze Mariya Buljubasiç (“Universidad Katolika”, Argentina) - 1352
5. Tabet Əl-Bətəl (“Nasyonal”, Misir) – 1325
6. Edvin van der Sar (“Mançester Yunayted”, İngiltərə) – 1311
7. Əssam Əl-Hadari (“Nasyonal”, Misir) – 1288
8. Samir Səid (“Əl-Ərəbi”) - 1283
9. Abel Resino Gomes (“Atletiko”, İspaniya) – 1275
10. Adel Nefzi (“Afrikain”, Tunis) - 1270

Azərbaycan Premyer Liqasının İFFHS-dəki təmsilçiləri

25. Nizami Sadıqov (“Turan”) – 1106 dəqiqə
57. Xalidu Sissoko (“Bakı”) – 985
60. Xalidu Sissoko (“Bakı”) – 971
63-64. Camaləddin Əliyev (“Qarabağ”) – 958
68. Pavel Doroşev (“Qəbələ”) – 952
73-74. Elxan Həsənov (“Neftçi”) – 943
165-166. Dmitri Kramarenko (“Karvan”) – 798
202-203. Dmitri Kramarenko (“Neftçi”) – 772
242. Rauf Mehdiyev (“Olimpik”) – 746
245-246. Elşən Poladov (“Bakı”) – 744
248-250. Nadir Şükürov (“Dinamo”) – 741
264. Aleksandr Martyoşkin (“Xəzər Lənkəran”) – 735
292-300. Kamran Ağayev (“Xəzər Lənkəran”) – 720
350-352. Camaləddin Əliyev (“Qarabağ”) – 700
408-413. Rauf Mehdiyev (“Olimpik”) – 676

Qeyd edək ki, qapıçılarımızın İFFHS-in siyahısına düşməsində birbaşa apasport.az saytının rolu var. Bu qurumun üzvü olan saytımızın əməkdaşı Vüqar Xeyrullayev bütün qapıçılarımızın da göstəricilərini göndərib.