Yığmamızın sabiq baş məşqçisi Şahin Diniyevin İranın "Rah-Ahan" klubunun baş məşqçisi olmamasının əsl səbəbi müəyyənləşib. Apasport.az saytının məlumatına görə, Diniyev bu barədə ilk dəfə konkret danışıb.

Diniyev əməkdaşımızla söhbətində bildirib ki, İran səfəri yeni sponsorun fikrindən daşınmasına görə alınmayıb: "Mənimlə danışıqlar kifayət qədər ciddi idi. Həmin şəxs komandanın səhmlərinə sahib çıxmalı və mən də həmin dəqiqə baş məşqçi təyin olunmalıydım. Lakin o, fikrindən daşındı və mənə dedi ki, sən də İrana gələsi olmayacaqsan"

Rusiyanın "Terek" klubundan ayrıldıqdan sonra işsiz qalan Diniyevin sözlərinə görə hazırda heç bir yerdən dəvət almayıb: "Mənimlə maraqlanan yoxdur. Azərbaycanda işləmək olduqca çətindir. Bizimkilər indi ancaq əcnəbilərə bel bağlayırlar".

Qeyd edək ki, "Rah Ahan" artıq yeni baş məşqçisini müəyyənləşdirib. Komandanı əslən azərbaycanlı mütəxəssis Əli Daei çalışdıracaq.

• İngiltərə millisinin üzvü “Çelsi”dən ayrılır?
• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər