Türkiyə yığmasının qapıçısı Sinan Bolat üçün Avro-2012-in seçmə mərhələsində Azərbaycan millisi ilə ev oyunu əlamətdar oldu. Apasport.az saytının məlumatına görə, Belçikanın “Standard” klubunun qapıçısı “ay-ulduzlular”ın heyətində rəsmi debütünü reallaşdırdı. Sinan yığmanın əsas qapıçısı olan Volkan Dəmirəlin zədə üzündən yoxluğunda qapını toxunulmaz qorudu. O, 2 ay öncə də “Türk Telekom Arena”da - avqustun 10-da Estoniya ilə oyunda ilk dəfə Türkiyə yığmasının formasında meydana çıxsa da, bu, yoldaşlıq görüşü idi.

Ancaq baş məşqçi Qus Hiddink Bolatdan fərqli Ömər Toprakın debütünə imkan vermədi. Yığma seçimini Türkiyə xeyrinə edən və bununla bağlı FİFA-nın rəsmi razılığını alan “Bayer”in yarımmüdafiəçisi adı millimizin oyunda 18 nəfərlik iştirak ərizəsinə daxil edilsə də, sona kimi ehtiyatda qaldı.

• “Aston Villa”nın futbolçusu Bundesliqa yolunda
• “Liverpul”un müdafiəçisi Premyer Liqada klubunu dəyişə bilər
• “Real”la matç öncəsi “Bavariya”da şok itki
• Sabiq “Qalatasaray”lı butslarını mismardan asdı
• Mane Türkiyədə çıxış edəcək?