“Əlbəttə ki, futzalda ən güclü milli komandalar İspaniya və Braziliyadır”. Apasport.az saytının məlumatına görə, bu sözləri İsveçrə millisinin futzalçısı Daniel Moharoviç deyib.

“Luqano” klubunun üzvü vətənində verdiyi geniş müsahibədə ölkəsində o qədər tanınmayan idman növünün ən yaxşıları haqda danışıb.

İsveçrəlilərə futzalın ən güclüləri haqda məlumat verən Moharoviç Avropa çempionatının 4-cüsü olan Azərbaycan milli komandasının da adını çəkməyi vacib sayıb: “Lakin onlarla yanaşı, Rusiya, İran və Azərbaycan yığmaları da çox güclüdür. Bu komandalar reytinq siyahılarında da yüksək pillələrdə qərarlaşıblar.

Düzdür, Azərbaycan yığması milliləşən braziliyalılarla buna nail olub. Elə DÇ-2012-ni qəbul edəcək Tailand yığması da kifayət qədər gücə malikdir”.

• Günün canlı yayımlanacaq matçları - TV AFİŞA
• “Aston Villa”nın futbolçusu Bundesliqa yolunda
• “Liverpul”un müdafiəçisi Premyer Liqada klubunu dəyişə bilər
• “Real”la matç öncəsi “Bavariya”da şok itki
• Sabiq “Qalatasaray”lı butslarını mismardan asdı