Avro-2012-nin seçmə mərhələsi başa çatan kimi Azərbaycan yığmasının baş məşqçisinin adı ətrafında müzakirələrə start verilib. Apasport.az saytının məlumatına görə, Berti Foqtsla müqavilənin uzadılıb-uzadılmamağına qərar verilməmiş almaniyalı çalışdırıcının yerinə namizədlər ortaya çıxır. Lakin yığmada yerli, yoxsa əcnəbi mütəxəssisin çalışmalı olması məsələsinə nöqtə qoyulmur ki, qoyulmur.

Millinin seçmə mərhələlərdəki 17 illik çıxışına nəzər salıb, yerli və əcnəbi məşqçilər arasında fərqi görmək olar. Düzdür, Foqts Kazbek Tuayev və Əsgər Abdullayevin ən yüksək nəticəyə malik olduğu siyahıda üçüncüdür. Amma əcnəbilərin yerlilər üzərindəki üstünlüyü göz qabağındadır.

Ümumilikdə 88 oyunda, yəni mümkün 264 xaldan 37-ni - 14,07 faizini toplayan yığmamız gəlmələrlə daha yaxşı çıxış edib. Legioner baş məşqçilərlə komandamız 16 faizdən bir az artıq xal toplayıb: 87 mümkün xaldan 14 xal. Öz çalışdırıcılarımız isə bundan 3,1 faiz azına nail olublar – 12,99 faiz.

BAŞ MƏŞQÇİ	ÖLKƏ	OYUN	XAL	%
Berti Foqts	Almaniya	20	12	20,00%
Karlos Alberto Torres	Braziliya	7	2	9,52%
Qyoko Hacıyevski	Makedoniya	2	0	0,00%
ƏCNƏBİLƏR		29	14	16,09%
Kazbek Tuayev		5	4	26,67%
Əsgər Abdullayev		6	4	22,22%
Əhməd Ələsgərov		7	4	19,05%
İqor Ponomaryov		10	5	16,67%
Şahin Diniyev		10	5	16,67%
Vaqif Sadıqov		13	1	2,56%
Ağasəlim Mircavadov		8	0	0,00%
YERLİLƏR		59	23	12,99%
CƏMİ		88	37	14,02%

• Günün canlı yayımlanacaq matçları - TV AFİŞA
• “Aston Villa”nın futbolçusu Bundesliqa yolunda
• “Liverpul”un müdafiəçisi Premyer Liqada klubunu dəyişə bilər
• “Real”la matç öncəsi “Bavariya”da şok itki
• Sabiq “Qalatasaray”lı butslarını mismardan asdı