Oktyabrın 19-da rəsmən açıqlanacaq FİFA reytinqində hansı yığmanın neçənci yeri tutacağı məlumdur. Apasport.az saytının məlumatına görə, avropalı həmkarlarımızın qeyri-rəsmi hesablamalarına əsasən, ilk 3 pillədə dəyişiklik olmayacaq. İspaniya (1624), Hollandiya (1425) və Almaniya (1352) ön sıralardakı mövqelərini qoruyub.

5 gün sonrakı siyahıda geriləyən yığmalardan biri isə Azərbaycan milli komandası olmalıdır. Belə ki, son 1 ayda keçirdiyi hər 2 görüşdə uduzan yığmamız 20 pillə geriləyərək, 117-ci pilləyə enməlidir. Avstriyaya Bakıda 1:4, Türkiyəyə isə səfərdə 0:1 hesablı yenilgilər yığmamızın reytinqinin 94 xal azalaraq 265-ə düşməsi ilə nəticələnib. Bu da komandanın mövqeyinə təsirsiz ötüşməyib.

• Günün canlı yayımlanacaq matçları - TV AFİŞA
• “Aston Villa”nın futbolçusu Bundesliqa yolunda
• “Liverpul”un müdafiəçisi Premyer Liqada klubunu dəyişə bilər
• “Real”la matç öncəsi “Bavariya”da şok itki
• Sabiq “Qalatasaray”lı butslarını mismardan asdı