“Xəzər Lənkəran” rəhbərliyi yayda transfer etdikləri legioneri Rikardo Qomeşlə bağlı Braziliya Futbol Konfederasiyasına (BFF) rəsmi müraciət ediblər. Bu haqda apasport.az saytına klubun vitse-prezidenti Tuyqun Nadirov məlumat verib.

Nadirov hələ də düşərgəyə qayıtmayan braziliyalı yarımmüdafiəçi ilə bağlı BFF-yə şikayət etdiklərini bildirib: “Biz öncə AFFA-nı məlumatlandırdıq. Bu proses mərhələ-mərhələ olan işdir. Qomeş atasının vəfatını əsas gətirərək, icazə almışdı. Ancaq hələ də qayıtmayıb. Onun özü ilə əlaqəmiz olmayıb. Məşqçimiz meneceri ilə danışıb. O da futbolçunu tapıb, gətirəcəyini deyib. Ancaq indiyədək xəbər-ətər yoxdur. Biz də Braziliya Futbol Konfederasiyasına şikayət etmişik. Onlar Rikardonun komandamıza qaytarmaqda yardımçı ola bilərlər. Cavab gözləyirik. Əgər Braziliyadan müsbət cavab almasaq, son instansiya kimi FİFA-ya şikayət edəcəyik”.

Qeyd edək ki, “Xəzər Lənkəran”ın mövsümlərarası fasilədən transfer etdiyi Rikardo ardıcıl əvəzlənmədən 8 oyun keçirib, 1 qol vurub, 3 sarı vərəqə alıb. 30 yaşlı legioner sonuncu dəfə VIII turda “İnter”ə səfərdə uduzduqları oyunda (0:1) meydana çıxıb. Lənkəranlıların cari mövsüm ilk məğlub olduğun həmin matç sentyabrın 30-da keçirilib.

Mehman SÜLEYMANOV

• "Fənər" sabiq futbolçusunu geri qaytarır?
• “Liverpul”a ağır zərbə - O DA ZƏDƏLƏNDİ
• Premyer Liqa klubunda yeni təyinat - RƏSMİ
• İlkay Gündoğan 3-cü dəfə ata oldu
• Ukraynada yeni lider: Arda Turanın "Şaxtyor"u