“Azərreyl” və “İqtisadçı” klublarının avrokuboklardakı rəqibləri “Tomis” və “Dinamo-Romprest” Rumıniya çempionatında növbəti oyunlarını keçiriblər. Apasport.az saytının məlumatına görə, hər 2 komanda səfərdə “quru hesablı” qələbəyə sevinib.

Belə ki, noyabrın 29-da Konstantada Çempionlar Liqasının ilk turunda “Azərreyl”i qəbul edəcək “Tomis” “Arges”dən üstün olub – 25:16, 25:17, 25:17.

CEV kubokunun 1/16 finalında “İqtisadçı” ilə oynayacaq “Dinamo-Romprest” isə “Penicilina lasi”nin daşını-daş üstə qoymayıb. İlk setdə 9, ardınca 8, üçüncü hissədə isə cəmi 11 xal rəqibinə güzəştə gedən Buxarest voleybolçuları 3:0 hesabı ilə qələbə qazanıblar.

4 turdan sonra “Dinamo-Romprest” 13 xalla birinci, “Tomis” isə 6 xalla 7-ci yerdəki mövqelərini qoruyublar.

Qeyd edək ki, “İqtisadçı” da “Azərreyl” kimi ilk matçına noyabrın 29-da çıxacaq. Lakin onlar Faiq Qarayevin yetirmələrindən fərqli, birinci matçlarını Bakıda keçirəcəklər.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”