Daha bir hakim damarlarını kəsdi

28.11.2011 - 00:03

Belçika çempionatında xoşagəlməz hadisə yaşanıb. Apasport.az saytının məlumatına görə, aşağı dəstədə çıxış edən “Tübiz” və “Brüssel” klubları arasında oyun hakimin intihara cəhd etməsi üzündən yarımçıq qalıb. Belə ki, görüşün laysmanlarından olan Kris Şeltrate matçın startından az əvvəl damarlarını kəsib. Hakimlər otağından ayaqyoluna yollanan ədalət təmsilçisi elə orada özünü qanına qəltan edib. Həmkarlarının onu tez aşkarlaması üzündən hakimin həyatı xilas olunub.

Qeyd edək ki, ötən həftə almaniyalı referi Rafati Babak da eyni addımı atmışdı.