Vaqif Cavadov sevimli qiymətini aldı

28.11.2011 - 10:42

Azərbaycan milli komandasının futbolçusu Vaqif Cavadov sevimli qiymətini alıb. Apasport.az saytının məlumatına görə, Rusiyanın nüfuzlu “Sport-Ekspress” qəzeti “Volqa” klubunda oynayan 22 yaşlı hücumçumuzun bu ilin son turunda “Krılya Sovetov”a səfərdə 0:1 hesabı ilə uduzduqları səfər matçında çıxışını 5,5 balla qiymətləndirib. Həmin oyunda Cavadovun komandasına ən yüksək qiymət 6, ən aşağı 5 verildiyini nəzərə alsaq, 5,5 orta sayılmalıdır. Ümumiyyətlə, “Sport-Ekspress” Vaqifə son oyunlarda bir qayda olaraq 5,5 bal verir və bu dəfə də ənənəsinə sadiq qaldı.

Qeyd edək ki, Cavadov Samaradakı matçda start heyətində meydana çıxaraq, 77-ci dəqiqədə əvəzlənib.