Azərbaycanlı futbolçu Vaqif Cavadovun çıxış etdiyi Rusiyanın “Volqa” klubu qış fasiləsində hazırlıq planlarını müəyyənləşdirib. Apasport.az saytının məlumatına görə, Nijni-Novqorod təmsilçisinin tətili gələn ilin yanvarın 4-də bitəcək və həmin vaxt bir araya gələn futbolçular 3 gün tibbi müayinədən keçəcəklər.

İlk təlim-məşq toplanışı yanvarın 7-dən 21-dək Türkiyənin Antalya şəhərində planlaşdırılıb. Orada 3 yoxlama oyunu keçiriləcək. “Volqa” 4 günlük istirahətin ardından Kiprə yollanacaq. Larnakada təlim-məşq toplanışı yanvarın 25-dən fevralın 7-dək olacaq və 4 yoxlama oyunu keçirmək planlaşdırılır. Sonuncu təlim-məşq toplanışının fevralın 12-dən 26-dək İspaniyada olmağı gözlənilir. Burada da 4 yoxlama oyunu keçirmək nəzərdə tutulub.

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki