“Qəbələ” aşağı yaş qrupları üzrə keçirilən çempionatların ən böyükhesablı qələbəsinə imza atıb. Apasport.az-ın klubun rəsmi saytına istinadən məlumatına görə, klub 11 yaşa qədər futbolçulardan ibarət komandası U-11 Liqasının Şimal-qərb regionu üzrə UGİM Balakənə qarşı keçirdiyi oyunda 20:0 hesabilə qalib gəlib.

Arxada qalan 7 turda maksimum nəticə göstərən Sənan Qurbanovun yetirmələri rəqiblərinin qapısından 56 qol keçiriblər və öz qapılarının toxunulmazlığını qoruya biliblər. Bu il yaradılan “Qəbələ”nin U-11 komandası debüt ilindəcə rekord müəyyənləşdirməyə nail olub. Üstəlik, U-11 Liqasında qarşılaşmaların 30 dəqiqə oynandığını da nəzərə alsaq, azyaşlılar ortalama hər 1,5 dəqiqədə 1 dəfə fərqlənməyi bacarıblar.

Xatırladaq ki, buna qədər “Qəbələ”nin ən böyükhesablı qələbəsi 15:0 olmuşdu. Bu nəticəyə U-13 və U-15 komandaları imza atmışdı.

• La Liqa: "Atletik"dən qələbə, Malyorkada hərəyə 1 xal
• “Liverpul” yeni məşqçisini tapdı – Slot gedir
• Modriç ilin futbolçusu seçildi
• "Siti" onunla bağlı qərarını verdi
• Günün oyunları bu kanallarda - TV AFİŞA