Cehuadan siftə, Baranin yubileyini qeyd etdi

28.11.2011 - 18:36

“Bakı” ilə Premyer Liqanın XIV turunun oyununda təsəlli qolunu vuran Serje Cehua “Qəbələ”də qol hesabını açıb. Apasport.az saytının məlumatına görə, yeni komandasında ilk qolunu 6-cı matçında vuran Fil Dişi Sahilindən olan hücumçu bununla da adını “Qəbələ”nin qolçuları siyahısına yazdırıb.

Bu il Dişi Sahilindən olan legionerin komandada ilk penaltisi olub. Ümumilikdə isə 6-cı mövsümdür güclülər dəstəsində çıxış edən “Qəbələ” bu müddətdə 21-ci 11 metrlik zərbəni vurub. Bunların 17-də qola sevinən komandanın heyətində son matçadək 10 futbolçu penalti vurmuşdu. Bu siyahıda 11-ci olan Cehua ilk afrikalı olub ki, “Qəbələ” üçün penalti vurub.

“Bakı” ilə səfər matçınadək “Qəbələ”nin heyətində 68 futbolçu qol vurmuşdu ki, onların yalnız 47-si buna Premyer Liqada nail olmuşdu. Cehua klubun tarixində qol vuran 69-cu futbolçu olmaqla yanaşı, ölkə çempionatının güclülər dəstəsində bunu bacaran 48-ci oyunçu oldu.

XIV tur futbolçumuz Lyubo Baranin üçün də əlamətdar olub. Belə ki, “Qəbələ”nin legioneri yubiley matçına çıxıb. “Bakı” ilə matçadək 74 dəfə “Qəbələ” formasında meydana çıxan Baranin 75-ci oyununu paytaxtda qeyd edib. 2009-cu ilin yayında komandaya transfer olunan futbolçu bu matçların 70-ni çempionat, 5-ni kubokda keçirib. Bu isə o deməkdir ki, “Bakı” ilə görüş həm də Premyer Liqada 70-ci qarşılaşma olub.

mövsüm turnir oyun Dəqiqə qol Vərəqə Qırmızı