Rəqibimiz ikisini udub, ikisini planlaşdırır

29.11.2011 - 16:30

Futzal üzrə dünya çempionatının Bakıda keçiriləcək seçmə oyunlarında Azərbaycan millisinin rəqibi olan Ukrayna yığması yoldaşlıq oyunu keçirib. Apasport.az saytının məlumatına görə, rəqibimiz 1 gün əvvəl olduğu kimi, yenə Latviyanı sınağa çəkib.

Ukrayna futzalçıları bu dəfə də asan qələbə qazanıblar – 4:0. Rəqibimiz ilk matçda 6:2 hesabı ilə qalib gəlmişdi.

Bu qələbələrdən sonra Ukrayna yığmasının qarşıdakı planları da məlum olub. Rəqibimiz indi də Qazaxıstanla 2 yoldaşlıq oyununda qüvvəsini sınayacaq. Dekabrın 7-8-də baş tutacaq matçlar Xerson şəhərində keçiriləcək.

Qeyd edək ki, millimiz qrupda son oyununu keçirəcəyi Ukrayna ilə dekabrın 18-də qarşılaşacaq.