Avro-2012-in final mərhələsinin iştirakçısı olan İrlandiya milli komandası baş məşqçi məsələsini həll edib. Apasport.az saytının məlumatına görə, irlandiyalılar hazırkı çalışdırıcı Covanni Trapattoni ilə yeni müqavilə imzalamağa qərar veriblər. Əfsanəvi italiyalı mütəxəssisin 72 yaşı olsa da, onunla müqavilə daha 2 illiyə uzadılıb.

İrlandiya yığması uzun fasilədən sonra final mərhələsinə məhz Trapattoninin sayəsində çıxıb. Onlar pley-off oyunlarında Estoniya millisinə qalib gələrək (səfərdə 4:0, evdə 1:1), Avro-2012-in final mərhələsinə çıxıb. 2008-ci ildən irlandiyalılara rəhbərlik edən Trapattoni yığmanı 2014-cü ildə Braziliyada keçiriləcək dünya çempionatına çıxarmaq üçün seçmə mərhələ oyunlarına hazırlayacaq.

Qeyd edək ki, Trapattoni öz ölkəsinin yığmasını çalışdırdığı vaxtda milli komandamızla görüşüb. İtaliya yığması onun rəhbərliyi altında Avro-2004-ün seçmə mərhələsində millimizə səfərdə 2:0, evdə 4:0 hesabı ilə qalib gəlib.

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki