Premyer Liqanın XIII turunda noyabrIn 20-də keçirilmiş qalmaqallı “Qəbələ” – “Neftçi” matçının (1:0) baş hakimi Ramil Diniyevin cəzası məlum olub. Apasport.az saytının məlumatına görə, kobud səhvlərə yol verən gənc referi bu il bir daha təyinat almayacaq.

Diniyev gələn ilin fevralınadək heç bir yarışda idarəçilik etməyəcək. Premyer Liqada bu il daha 5 tur olacaq və bundan sonra fevralın 10-dək fasilə yaranacaq. Ancaq Diniyev həmin vaxt Premyer Liqaya qayıtmayacaq. Onun cəzası bitəndən sonra aşağı yaş qrupları üzrə komandaların çempionatında hakimlik edib-etməməsinə baxılacaq.

Qeyd edək ki, Diniyev Qəbələdəki oyunun son saniyələrində meydan sahiblərinin qapısına şübhəli penalti təyin etmişdi.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”