Lionel Messi və Kriştianu Ronaldo ilə birgə dünyanın ən yaxşı oyunçularından biri olaraq göstərilən Neymar “Barselona” ilə 5 illik müqavilə imzalayıb. Apasport.az saytının məlumatına görə, Kataloniya klubu braziliyalı futbolçu üçün “Santos”a 36 milyon avro ödəyib və futbolçunun özünə isə illik 7 milyon avro verəcək.

Bununla da, İspaniya nəhəngi tarixində ikinci ən bahalı transferini gerçəkləşdirmiş olub.

“Barselona”nın ən bahalı transferi isə 2009-2010 mövsümündə “İnter”dən heyətinə qatdığı Zlatan İbrahimoviçdir. Kataloniyalılar İsveç milli komandasının üzvü üçün Milan təmsilçisinə 46 milyon avro nəğd pul, 20 milyon avro dəyərində Samuel Eto’onu və Aleksandr Qlebi icarəyəyə verərək, hücumçunu rekord məbləğə heyətinə cəlb edib.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu