“Borussiya” (Dortmund) klubunun hücumçusu Seru Qirassi UEFA Çempionlar Liqasında tarixi nəticə ilə yadda qalıb.

Apasport.az xəbər verir ki, 29 yaşlı qvineyalı futbolçu bu uğura “Barselona”ya qarşı keçirilən və 3:1 hesablı qələbə ilə başa çatan 1/4 final mərhələsinin cavab görüşündə imza atıb.

Het-trik edən Qirassi bu mövsüm turnirdə vurduğu qolların sayını 13-ə çatdırıb və bununla da Çempionlar Liqasında bir mövsümdə ən çox qol vuran afrikalı futbolçu statusunu qazanıb.

O, “Borussiya”nın sabiq hücumçusu Sebastyan Hallerin 2021/2022-ci illər mövsümündəki 11 qolluq göstəricisini arxada qoyub.

Qeyd edək ki, səfərdə “Barselona”ya 0:4 hesabı ilə uduzan Dortmund təmsilçisi iki oyunun nəticəsinə əsasən turnirlə vidalaşıb.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu