“Qalatasaray”ın hücumçusu Mauro İkardi ilə bağlı Argentinada qərar qəbul olunub.

Apasport.az xəbər verir ki, bu barədə “Corriere dello Sport” məlumat yayıb.

Mənbənin iddiasına görə, argentinalı futbolçuya ölkədən çıxış qadağası qoyulub. Qərar Vanda Naranın hüquqşünaslarının məhkəməyə müraciətindən sonra qəbul edilib.

Müraciətin səbəbi Vanda Nara ilə Mauro İkardi arasında davam edən boşanma və uşaqların qəyyumluğu ilə bağlı məhkəmə çəkişməsidir.

Argentina mediasının yazdığına görə, Vanda Naranın hüquq komandası İkardinin ölkədən çıxmasının məhkəmə prosesinə və uşaqlarla bağlı qərarların icrasına mane ola biləcəyini əsas gətirərək məhdudiyyət tələb edib.

İkardinin yaxın vaxtlarda Türkiyədən 25 çamadanla ayrıldığı bildirilir.

Futbolçunun vəkilləri isə qərarla bağlı təcili məhkəmə iclası tələb ediblər.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”