Ciro İmmobile ilə yollarını ayırmağı planlaşdıran "Beşiktaş" heyətinə yeni hücumçu transfer etmək niyyətindədir.

Apasport.az xəbər verir ki, İstanbul nəhənginin əsas hədəfi "Monako"da çıxış edən Bril Embolodur.

Bu barədə Türkiyə mətbuatı məlumat yayıb.

"Beşiktaş"ın baş məşqçisi Ule Qunnar Sulşer isveçrəli forvardı komandasında görmək istəyir.

"Qara qartallar" 28 yaşlı futbolçu üçün Fransa klubu ilə danışıqlara başlayıb.

Qeyd edək ki, "Monako" Bril Embolonu 2022-ci ilin yayında Münhenqladbax "Borussiya"sından transfer edib.

İsveçrə millisinin üzvü ötən mövsüm Liqa 1 təmsilçisinin heyətində meydana çıxdığı 42 rəsmi matçda 7 qol və 9 məhsuldar ötürmə ilə yadda qalıb.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”