PSJ “Bornmut”un müdafiəçisi İlya Zabarnının transferi üçün danışıqları davam etdirir.

Apasport.az xəbər verir ki, bu barədə “RMC Sport” məlumat yayıb.

“Bornmut”la danışıqlar davam edir və ukraynalı futbolçunun məhz PSJ-yə keçmək istəyi əsas amillərdən biridir. Halbuki “Tottenhem” Zabarnı üçün 70 milyon avro ödəməyə hazırdır. Ancaq onun özü yalnız PSJ-yə keçmək istəyir və artıq Paris klubu ilə 5 illik müqavilə şərtlərini razılaşdırıb.

Bundan bir neçə gün əvvəl PSJ İngiltərə klubuna şifahi olaraq 60 milyon avro və əlavə bonuslar təklif edib. Bu təkliflə “Bornmut”un istədiyi məbləğ arasında fərq 5 milyon avrodan azdır, ancaq rəsmi razılıq hələ əldə olunmayıb.

22 yaşlı futbolçu son Premyer Liqa mövsümündə 36 oyunda iştirak edib.

• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır
• UEFA İnfantinonun FİFA prezidentliyinə namizədliyini dəstəkləməyəcək
• UEFA İnfantinodan əl çəkmir – FIFA prezidentini devirmək üçün yeni plan