Braziliyanın "Korintians" klubunun niderlandlı futbolçusu Memfis Depayın pasportu hava limanında oğurlanıb.

Apasport.az ESPN-ə istinadla xəbər verir ki, Braziliyada pasportu oğurlanan 31 yaşlı futbolçu Niderland millisinin düşərgəsinə daha sonra qoşulacaq.

"Narıncılar"ın bombardirinin DÇ-2026-nın seçmə mərhələsində Malta ilə baş tutacaq görüşü buraxacağı ehtimal edilir. 

Niderland millisinin baş məşqçisi Ronald Kuman vəziyyəti bu cür şərh edib: 

"Bu, həm Depay, həm də bizim üçün xoşagəlməz bir vəziyyətdir. Milli komandaya tam heyətlə hazırlaşmaq istərdik, lakin bizdən asılı olmayan hallar var. Ümid edirik ki, o, ən qısa zamanda təlim-məşq toplanışına qatılacaq".

Niderland dünya çempionatının seçmə mərhələsində oktyabrın 9-da Malta, 12-də isə Finlandiya ilə qarşılaşacaq.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər