"Yaxşı və formada olan bir komandaya qarşı oynayacağıq".
Apasport.az xəbər verir ki, bunu "Qalatasaray"ın baş məşqçisi Okan Buruk "Atletiko" ilə matçdan öncə deyib.
Təcrübəli məşqçi əsas hədəfin ilk 24-lüyə düşmək olduğunu bildirib:
"Bizim üçün vacib bir matçdır. Yaxşı və formada olan bir komandaya qarşı oynayacağıq. Xüsusilə də Sörlotun performansı zirvədə olduğu bir dönəmdir. Rəqibimizin nə qədər vacib olduğunu və bu matça nə qədər əhəmiyyət verdiyini bilirik. Onların məqsədi ilk 8-liyə, bizimki isə ilk 24-lüyə düşməkdir. Qələbə bizi ilk 24-lüyə aparacaq.
15 ildir ki, Simeone komandanı çalışdırır. Qələbəyə yönəlmiş və həmişə uğur qazanmağa çalışan bir komandadır. Güclü bir komandaya qarşı oynayacağıq. Maksimum səy göstərərək qalib gəlmək istəyirik. Oyunçularıma güvənirəm. Kritik və vacib bir matça çıxırıq".
Qeyd edək ki, "Qalatasaray" - "Atletiko Madrid" qarşılaşması sabah saat 21:45-də start götürəcək.
Oxşar xəbərlər
Ana səhifə
Bütün xəbərlər