[b]“Kəpəz”, “Qəbələ” və “Neftçi”nin cavab oyunlarının başlama saatı açıqlandı[/b]

11.07.2016 - 15:58

Avropa Liqasının II təsnifat mərhələsinin cavab oyunlarının başlama vaxtı açıqlanıb. Apasport.az saytının məlumatına görə, Azərbaycan klublarının da qarşılaşmalarının saatı bəlli olub.

İyulun 20-də Avstriya “Admira”sını qəbul edəcək “Kəpəz” meydana 18:00-da çıxacaq. Ertəsi gün Macarıstan MTK-sı ilə üz-üzə gələcək “Qəbələ”nin matçı 21:00-da başlayacaq.

Təmsilçilərimiz arasında sonuncu “Neftçi”nin taleyinə aydınlıq gələcək. Bakılıların Skopyedə “Şkendiya” ilə cavab matçı saat 22:00-da start götürəcək.

Avropa Liqası

II təsnifat mərhələsi

Cavab oyunları

20 iyul

18:00. “Kəpəz” – “Admira” (Avstriya)

Bakı. “Dalğa Arena”

21 iyul

21:00. “Qəbələ” – MTK (Macarıstan)

Bakı. 8-ci km stadionu

22:00. “Şkendiya” (Makedoniya) – “Neftçi”

Skopye. Filip II stadionu