AVRO-2016-nın seçmə mərhələsində V turun növbəti oyunları keçirilib. Apasport.az saytının məlumatına görə, daha 3 qrupda 8 qarşılaşma baş tutub.

Belə ki, Almaniya səfərdə Gürcüstannın qonağı olub. Bundestim təmsilçisi 0:2 hesabı ilə qalib gəlib.

Bu qarşılaşma eyni zamanda Bakının “İnter” klubunu da çalışdıran Kaxaber Sxadadzenin millidə ilk seçmə oyunu olub. O, paytaxt təmsilçisindən 3 futbolçu – Baçana Sxadadze, Laşa Salukvadze və Aleksandr Amisulaşvilini dəvət edib. Təcrübəli çalışdırıcı yalnız sonuncuya şans versə də, müdafiəçi 4-cü dəqiqədə zədə səbəbindən meydandan əvəzlənib.

D qrupunun lideri Polşa İrlandiyaya səfər edib. Görüşdə hərəyə 1 dəfə fərqlənən komandalar meydanda “sülh bağlayıb – 1:1.

Rumıniya Farer adalarını 1:0, Şimali İrlandiya Finlandiyanı 2:1 hesabı ilə məğlub edib. Macarıstan – Yunanıstan matçı isə qolsuz bərabərliklə başa çatıb – 0:0.

Albaniya evdə Ermənistana gücünü göstərib. Meydan sahibləri hesabda geri olmasına baxmayaraq, əzmkar qələbə (2:1) qazanıb.

Bu görüşdə “Qarabağ”ın futbolçusu Ansi Aqolli də iştirak edib. Start heyətdə meydana çıxan müdafiəçi 90 dəqə forma geyinib.

Portuqaliya Serbiya ilə münasibətlərinə aydınlıq gətirib. Fernandu Santuşun yetirmələri 2:1 hesablı qələbəyə sevinib.

AVRO-2016-nın seçmə mərhələsi, V tur

29 mart

Dqrupu

Gürcüstan – Almaniya - 0:2

Qollar: Roys, 39, Müller, 45

Şotlandiya – Cəbəllütariq - 6:1

Qollar: Maloney, 18; 34-pen, Fletçer, 29; 77; 90, Naysmit, 39 – Kaskyaro, 20

İrlandiya – Polşa - 1:1

Qollar: Lonq, 90+1 - Peszko, 26 

F qrupu

Rumıniya – Farer adaları - 1:0

Qol: Keseru, 21

Şimali İrlandiya – Finlandiya - 2:1

Qollar: Lafferty, 33; 38 - Sadiqk, 90+1

Macarıstan – Yunanıstan - 0:0

İ qrupu

Albaniya – Ermənistan - 2:1

Qollar:  - Mavray, 77, Qaşi, 81 - Movsisyan, 4

Portuqaliya – Serbiya - 2:1

Qollar: Karvalyo, 11, Koentrao, 63 - Matiç, 61