Topaz Premyer Liqasına darmadağınla gəlirlər

28.05.2015 - 09:52

Futbol üzrə Azərbaycan I Divizionunda 2014/2015 mövsümünə yekun vurulub. Apasport.az saytının məlumatına görə, turnirin qalibi adını cari mövsümdə cəmi 2 dəfə məğlub olan “Neftçala” qazanıb. Ümumilikdə 78 xal toplayan “Neftçala” bütün rəqiblərini qabaqlayıb.

Turnirdə 2-ci və 3-cü yer uğrunda gərgin mübarizə gedib. Təsadüfi deyil ki, gümüş və bürünc medalların sahibləri məhz son turda müəyyənləşib. “Ağsu” və “Rəvan”ın xalları eyni olduğu üçün komandaların öz aralarında keçirdikləri oyunların nəticələri əsas götürülüb və ağsulular gümüş medala sahib çıxıblar. “Rəvan” isə turniri bürünc medalla yekunlaşdırıb.

Matçlar başa çatdıqdan sonra “Neftçala”ya çempionluq kuboku və qızıl medallar təqdim olunub. Medalları Peşəkar Futbol Liqasının prezidenti Ramin Musayev təqdim edib. Eyni zamanda, I Divizionun ən sərrast oyunçusu İlham Allahverdiyevə (“Qaradağ Lökbatan”, 21 qol) də xüsusi kubok verilib.

Qeyd edək ki, yeni mövsümdən “Kəpəz” və “Zirə” Topaz Premyer Liqasında oynayacaq.

“Göyəzən” - “Kəpəz” – 0:3
Arzuman Nəsibov, 63; Ziyabil Məmmədov, 76, 80

“Rəvan” - “Şahdağ” – 1:0
Əli Bağırov, 3

“Neftçala” - “Qaradağ Lökbatan” - 4:5
Aqşin Həşimov, 6, 10; Vurğun Həsənzadə, 53; Vaqif Güləliyev, 56 - Rüfət Məmmədov, 26; Sabir Allahquliyev, 51, 74, 85; Məlikməmməd Abbasov, 78

MOİK - “Şəmkir” – 1:2
Röyal Nəcəfov, 27 - Azər Məmmədov, 50; Anar Rzayev, 67

“Turan Tovuz” - “Energetik” - 5:0
Tuqay Alhüseynli, 5, 8, 10, 57, 79

“Şuşa Qarabağ” - “Ağsu” - 1:2
Elvin İsmayılov, 5 - Qalib Əmrahov, 53, 61

“Zirə” - “Mil Muğan” – 5:1
Besik Çimakadze, 9; Asif Mirili, 16; Elnur Abdulov, 24; Tural Adıgözəlov, 37; Toğrul Bilallı, 88 - Ruhid Usubov, 14

N	Klublar	O	Q	H	M	T-F	X
1	Neftçala	30	25	3	2	83-19	78
2	Ağsu	30	21	4	5	70-22	67
3	Rəvan	30	21	4	5	70-22	67
4	Qaradağ Lökbatan	30	20	5	5	57-25	65
5	Zirə	30	19	6	5	61-19	63
6	Turan Tovuz	30	15	5	10	75-37	50
7	Şahdağ	30	13	8	9	40-29	47
8	Şuşa Qarabağ	30	14	4	12	49-31	46
9	Kəpəz	30	10	8	12	37-37	38
10	Bakılı	30	10	4	16	46-61	34
11	Şəmkir	30	8	8	14	25-46	32
12	MOİK	30	8	5	17	26-60	29
13	Mil-Muğan	30	7	5	18	30-65	26
14	Energetik	30	5	3	22	24-82	18
15	Göyəzən	30	3	3	24	15-91	12
16	Lokomotiv	30	3	1	26	10-72	10