Bakı. Vüqar Xeyrullayev - APA-Sport. İyunun 1-də keçiriləcək yoldaşlıq oyununda Azərbaycanla qarşılaşacaq Bosniya və Herseqovina milli komandasının heyəti açıqlanıb. “APA-Sport” agentliyinin məlumatına görə, bosniyalıların baş məşqçisi Deniel Piriç çağırdığı oyunçuların kütləvi imtinası ilə üzləşdiyindən ikincin dəfə heyət açıqlamağa məcbur olub. Mütəxəssis bu dəfə əsasən yerli çempionatda çıxış edən oyunçulara dəvət göndərib. Təxminən bir həftə əvvəl açıqlanan siyahıda yalnız bir belə futbolçunun adı yer almışdı. Qeyd edək ki, bu dəfə dəvətli olan 22 oyunçudan ikisi – Seniyad İbriçiçlə Damir Hadjiçin də imtina edənlər siyahısına qatılacağı gözlənilirdi.

Bosniya və Herseqovina millisinin heyəti: Yasmin Buriç (“Çelik”), Denis Muykiç (“Yedinstvo”), Veldin Muharemoviç (“Lokeren”, Belçika), Safet Nadareviç (“Zagreb”, Xorvatiya), Yosip Topiç(“Şiroki Briyeq”), Stanişa Nikoliç (“Zrinski”), Mario Pandja (“Hayduk” , Xorvatiya), Edin Cocaliç (“Jelezniçar”), Damir Hadjiç (“Sarayevo”), Mladen Jijoviç (“Zrinski”), Yosip Lukaçeviç (“Çelik”), Yusuf Dayiç (“Fehervar”, Macarıstan), Nenad Luliç (“Qrashoppers”, İsveçrə), Seniyad Ibriçiç (“Zagreb” , Xorvatiya), Bubakar Dialiba (“Jelezniçar”), Zelimir Terkeş (“Zadar” , Xorvatiya), Seid Huseynoviç (“Sloboda”), Darko Lyuboyeviç (“Laktaşi”), Yosip Serdaruşiç (“Şiroki Briyeq”), Kenan Çeyvanoviç (“Sloboda”), Admir Aqanoviç (“Çukariçki”), Ivan Krstanoviç (“Posusje”), Bojan Regoye (“Slaviya”), Mirko Hrqoviç (“Ceff Yunayted”, Yaponiya).