Qadın voleybolçular arasında Azərbaycan Super Liqasının bürünc mükafatçısı müəyyənləşib. Apasport.az saytının məlumatına görə, ölkə çempionatının üçüncüsü adına “İqtisadçı” klubu layiq görülüb.

Bülənt Karslıoğlunun çalışdırdığı “universitet komanda”sı bürünc medallar uğrunda hər 3 görüşdə “Azərreyl”dən güclü olub – 3:1, 3:0, 3:0. Onlar bununla da, ötən il qazandıqları gümüş medalı bu dəfə “bürünc”ə dəyişiblər.

Bu, “İqtisadçı”nın tarixinə 4-cü mükafat kimi düşüb. “Tələbələr”in buna qədər arxivində 2 bürünc (2010, 2011) və 1 gümüş (2012) medalları vardı.

Qeyd edək ki, Azərbaycan çempionatı 2008/2009 mövsümündən Super Liqa adlanıb və yarış yüksək səviyyədə keçirilməyə başlayıb.