Ukraynanın “Şaxtyor” klubundan qaçan bütün futbolçular komandanın heyətinə qayıdıblar. Apasport.az saytının məlumatına görə, bunu klubun baş direktoru Sergey Palkin bildirib.

Sergey Palkin sosial şəbəkədəki səhifəsində braziliyalı futbolçular Duqlas Kosta, Dentinyo və Teyşeyranın qayıtdığını bildirib. Bundan əvvəl braziliyalılar Fred, İsmaili, eləcə də argentinalı Fakundo Ferreyra komandaya qayıdıblar.

Xatırladaq ki, futbolçular “Lion”la görüşdən sonra komandanı tərk ediblər. Onlar bunu Ukraynadakı vəziyyət və təhlükəsizlik baxımından izah ediblər.