İspaniya La Liqasında XV turun növbəti oyunları keçirilib. Apasport.az saytının məlumatına görə, tura autsayderlər yekun vurub.

Son iki pillədə qərarlaşan “Deportivo” və “Elçe” arasında matçın taleyini 1 qol həll edib. Qələbə qazanan meydan sahibləri “zirzəmi”dən bir az uzaqlaşıb.

Turun digər oyunları isə liderlərin qələbələri ilə yadda qalıb. “Real” səfərdə “Almeriya”nın qonağı olub. Qarşılaşmada “Kral klubu” 1:4 hesabı ilə qalib gəlib.

Turnir cədvəlində Madrid təmsilçisini izləyən “Barselona” turun II günü meydana çıxıb. Kataloniya təmsilçisi çempionatın ortabab komandası “Xetafe” ilə üz-üzə gəlib. 90 dəqiqə ərzində qapılara qol vurulmayıb – 0:0.

“Atletiko” “Vilyarreal”ı sınağa çəkib. Dieqo Simeonenin yetirmələri “Visente Kalderon” stadionuna toplaşan yerli azarkeşləri üzüb. Görüşün 84-cü dəqiqəsində argentinalı hücumçu Lusiano Vettonun tək qolu (0:1) “Vilyarreal”a 3 xal qazandırıb.

“Real Sosyedad” – “Atletik” qarşılaşmasında isə qalib müəyyənləşməyib - 1:1.

 İspaniya La Liqası

XV tur

12 dekabr

“Almeriya” – “Real” - 1:4

Qollar: Verza, 39 - İsko, 34, Beyl, 42, Ronaldo, 81; 88

13 dekabr

“Xetafe” – “Barselona” - 0:0

“Valensiya” – “Rayo Valyekano” - 3:0

Qollar: Fequli, 13; 34, Piatti, 36

“Kordoba” – “Levante” - 0:0

"Malaqa” – “Selta” - 1:0

Qol: Samuel, 21

14 dekabr

"Espanyol” – “Qranada” - 2:1

Qollar: Saysedo, 34, Stuani, 90 - El Arabi, 61

“Sevilya” – “Eybar” - 0:0

“Atletiko” – “Vilyarreal” - 0:1

Qol: Vietto, 84

“Real Sosyedad” – “Atletik” - 1:1

Qollar: Vela, 3 - de Markos, 61

15 dekabr

“Deportivo” – “Elçe” – 1:0

Qol: Luis Farina, 22