Bakı. Elşən Məmmədov-APA-Sport. Fransanın Nitsa şəhərində keçirilən şahmat üzrə ənənəvi “Amber” turnirinə yekun vurulub. “APA-Sport” agentliyinin məlumatına görə, turnirdə Azərbaycanı təmsil edən Şəhriyar Məmmədyarov ümumi nəticədə 12 iştirakçı arasında 9 xalla 10-12-ci yerləri bölüşdürüb. Ş. Məmmədyarov sürətli partiyada 4,5 xalla 9-11-ci, gözübağlı partiyada isə eyni miqdarda xalla 10-11-ci yerlərlə kifayətlənib. Sonuncu 11-ci turda həmyerlimiz israilli qrossmeyster Boris Gelfandla qarşılaşıb. Şahmatçımız gözübağlı partiyada rəqibini məğlub etsə də, sürətli partiyada uduzub. Qalib adını isə ümumi hesabda 14,5 xal toplayan Levon Aronyan qazanıb.
Qeyd edək ki, sayca 17-ci dəfə keçirilən turnirin ümumi mükafat fondu 216 min avrodur.

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək