Bakı. Aqşin Əliyev-APA-Sport. Sabah Mərkəzi Şahmat Klubunda 100 xanalı dama üzrə növbəti Azərbaycan çempionatı start götürəcək. Azərbaycan Dama Federasiyasının vitse-prezidenti İbrahim İsmayılovun “APA-Sport” agentliyinə verdiyi məlumata görə, turnirdə 16 kişi və 12 qadının iştirakı nəzərdə tutulub. Dairəvi sistem üzrə baş tutacaq yarışa aprelin 14-də yekun vurulacaq. İ.İsmayılov bildirib ki, ölkə çempionu titulunu qazanacaq damaçılar avqustda Estoniyada təşkil olunacaq Avropa birinciliyinə qatılmaq hüququna yiyələnəcəklər. Bundan başqa, 1-2-ci yeri tutanlar oktyabrda Pekində keçiriləcək I İntellektual Oyunlar olimpiadasına vəsiqə qazanacaqlar.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib