Bakı. Kənan Həsənov-APA-Sport. Azərbaycan bədii gimnastları Macarıstanın paytaxtı Budapeştdə keçirilən beynəlxalq turnirdə uğurlu çıxış ediblər. Bu haqda “APA-Sport” agentliyinə Gimnastika Federasiyasının mətbuat katibi Şahin Kazımzadə məlumat verib. Onun sözlərinə görə, milli komandamızın üzvü Zeynəb Cavadlı halqa, lent və çoxnövçülükdə gümüş, gürzlə hərəkətlərdə bürünc medal qazanıb. Yeniyetmələr arasında debüt edən Səidə Abdullayeva da fəxri kürsüyə yüksəlməyi bacarıb. Həmyerlimiz iplə hərəkətlərdə bürünc mükafata sahib çıxıb.