Sankt-Peterburq. Elşən Məmmədov-APA-Sport. Azərbaycanın su polosu üzrə yeniyetmələrdən ibarət yığma komandası Rusiyanın Sankt-Peterburq şəhərində başa çatan açıq turnirin qalibi olub. Bu haqda «APA-Sport» agentliyinə millimizin baş məşqçisi Azər Babayev məlumat verib. Onun sözlərinə görə, 1992-93-cü il təvəllüdlü vaterpolçular arasında keçirilən turnirdə dörd komanda mübarizə aparıb. Dairəvi sistemlə keçirilən yarışda vaterpolçularımız Sankt-Peterburq təmsilçiləri ilə qarşılaşıb. Əvvəlcə Ali Olimpiya Ustalığı Məktəbinin komandası ilə görüşən millimiz 17:9 hesablı qələbə qazanıb. Növbəti oyunda yığmamız «Ekran» klubunu məğlubiyyətə uğradıb – 12:9. Son matçda isə komandamız Sankt-Peterburq yığmasını yenib – 14:9.
Yeniyetmə vaterpolçularımıza pul mükafatı, suvenirlər, diplomlar və qiymətli hədiyyələr verilib.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib