Bakı. Kənan Həsənov-APA-Sport. Beynəlxalq Həvəskar Boks Assosiasiyası gənclərin yeni reytinq cədvəlini dərc edib. “APA-Sport” agentliyinin məlumatına görə, 11 çəki dərəcəsi üzrə açıqlanan siyahıya 15 ən güclü idmançının adı daxil edilib. Azərbaycan milli komandasının üzvləri cəmi beş çəki dərəcəsində təmsil olunublar. Həmyerlilərimiz arasında ən yüksək göstərici beşinci pillədə qərarlaşan Hafiz İsgəndərova (75 kq) məxsusdur. 51 kq çəki dərəcəsində İlkin Ağayev 6-cı yeri tutub. 54 kq-da isə iki boksçumuz yer alıb. Elvin Əliyev 8-ci, Şəhriyar Tağıyev 9-cu pillədə qərarlaşıb. Digər təmsilçilərimizdən, Heybətulla Hacıəliyev (57 kq) 12-ci, (İsmət Eynullayev 60 kq) 14-cü sıranı tutub. Boksçularımız 48, 64, 69, 81, 91, +91 kq çəki dərəcələrində yer almayıblar.

• Kamandan oxatma üzrə Bakı şəhər kubokunun II mərhələsi keçiriləcək
• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir