Bakı. Elşən Məmmədov-APA-Sport. Azərbaycanın akademik qayıqlarda avarçəkmə üzrə yığma komandası Rusiyanın Rostov şəhərində keçiriləcək beynəlxalq “Don reqatası”na qatılacaq. “APA-Sport” agentliyinin məlumatına görə, aprelin 17-də start götürəcək yarışa millimiz 11 idmançı ilə qatılacaq. Akademik avarçəkənlərimizdən 3-ü – Cavid Əfəndiyev, Toğrul Qurbanzadə, Dostməmməd Dostməmmədov bir nəfərlik qayıqlarda mübarizə aparacaq. Digər 8 idmançıya gəlincə, Fikrət Məmmədov – Kamal Məmmədov və Aleksandr Jdanov – Rəşid Mustafin duetləri 2 nəfərlik sükanlı qayıqlarda, Timur Kutseba – Aleksandr Qlotov və Kamran Yusubov – Fərman Əliyev cütləri isə 2 nəfərlik sükansız qayıqlarda qüvvəsini sınayacaq. Akademik avarçəkənlərimiz turnirə aprelin 12-də baş məşqçi Samir Məmmədov və onun köməkçisi Aleksandr Barabanovun rəhbərliyi altında yollanacaqlar. Yarış 4 gün davam edəcək.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib