Tampere. Elşən Məmmədov - APA-Sport. Finlandiyanın Tampere şəhərində keçirilən güləş üzrə Avropa çempionatına bu gün yekun vurulacaq. “APA-Sport” agentliyinin məlumatına görə, yarışın sonuncu günündə Azərbaycanın daha 3 yunan-Roma güləşçisi mübarizəyə qoşulub. Onlardan ikisi – Fuad Əliyev (60 kq) və İlqar Abdulov (74 kq) 1/16 final mərhələsində keçirdikləri ilk görüşdəcə məğlubiyyətə düçar olublar. F.Əliyev Aslan Abdullinə (Rusiya), İlqar Abdulov isə Şərəf Tüfəngə (Türkiyə) uduzub. Yalnız millimizin rusiyalı legioneri Denis Mişin (96 kq) ilk görüşdə qələbə qazana bilib. Pəhləvanımız 1/16 finalda Kristian İonut Patrunu (Rumıniya) yenib. Lakin sonrakı qarşılaşmada D.Mişinin qarşısını İvanov Kaloyan Dinçev (Bolqarıstan) kəsib. Hələlik hər üç güləşçimiz təsəlliverici görüşlərə qatılmaq şanslarını saxlayırlar.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb