Bakı. Elşən Məmmədov-APA-Sport. Azərbaycanın baydarka və kanoe üzrə yeniyetmə (U-18) və gənclərdən (U-23) ibarət yığma komandaları aprelin 20-də Mingəçevir şəhərinə növbəti təlim-məşq toplantısına yollanacaq. «APA-Sport» agentliyinin məlumatına görə, 19 gün davam edəcək təlim-məşq toplantısında məşqçilər heyəti 12 idmançının xidmətindən yararlanacaq. Onlardan yarısı – Qulam Səlimov, Habil İsmayılzadə, Rüfət Vəliyev, Elvin Cəfərov, Emin Cəfərov və Əhməd Yusifov yeniyetmələr, qalan hissəsi – Fikrət Zeynalov, Ruslan Lokov, Elçin Serov, Elçin Yusifov, Samir Həmidov və Elmar Məmmədov gənclərdən ibarət yığmamızın heyətində yer alacaqlar. Hazırlıq prosesinin ardından baydarka və kanoeçilərimiz Mingəçevirdə yeniyetmə və gənclər arasında start götürəcək Azərbaycan çempionatına qatılacaqlar. Toplanış və ölkə birinciliyi 17 – 20 iyulda Macarıstanın Seqed şəhərində keçiriləcək gənclərin Avropa birinciliyinə hazırlıq xarakteri daşıyacaq.

• Kamandan oxatma üzrə Bakı şəhər kubokunun II mərhələsi keçiriləcək
• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir