Bakı. Aqşin Əliyev-APA-Sport. Bu gün “Atilla” cüdo klubunun təmir işlərindən sonra açılışı mərasimi keçirilib. “APA-Sport” agentliyinin məlumatına görə, toplantıda Azərbaycan Cüdo Federasiyasının (ACF) rəsmiləri, yığmanın məşqçiləri, idmançılar və qonaqlar iştirak ediblər. Öncə söz ACF-nin vitse-prezidenti Nəbi Şükürlüyə verilib. O, vaxtilə klubda vəziyyətin acınacaqlı və bərbad olduğunu bildirib: “Bununla bağlı, ötən ilin sonlarında federasiyanın prezidenti Füzuli Ələkbərova müraciət etdik. Gördüyünüz kimi, klub çox gözəl təmir edilərək, yenidən cüdoçuların ixtiyarına verilib”. Daha sonra çıxış edən federasiyanın digər vitse-prezidenti Matvey Yelizarov Portuqaliyanın paytaxtı Lissabonda keçiriləcək Avropa çempionatına yollanacaq milli komandanın üzvlərinə uğurlar arzulayıb. Ardından söz alan natiqlər təmir işləri üçün ACF rəhbərliyinə minnətdarlıqlarını bildiriblər.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq