Bakı. Kənan Həsənov-APA-Sport. Atletika üzrə Azərbaycan milli komandasının üzvləri ölkə xaricində uzunmüddətli təlim-məşq toplanışı keçəcəklər. “APA-Sport” agentliyinin Gənclər və İdman Nazirliyinin mətbuat katibliyinə istinadən verdiyi məlumata görə, yığmamızın üzvü Ceyhun Hüseynov məşqçi Roman Baxşıyevin rəhbərliyi altında mayın 5-dək Ukraynanın Donetsk şəhərində hazırlıq keçəcək. 15 atletimiz isə Rusiyanın Kislovodsk şəhərinə ezam olunub. Aprelin 28-dək davam edəcək hazırlıq prosesində Anar Yusifov (4x400 m), Valentin Bulıçev (400 m), Aqil Paşayev (uzunluğa tullanma), Pavel Setin (200, 400 m), Sergey Boçkov (üç təkanla tullanma), İbrahim Əhmədov (400, 4x400 m), Ruslan Panasenko (üç təkanla tullanma), Dmitri Çumıçkin (400, 4x100 m) və Pekin Yay Olimpiya Oyunlarına lisenziya qazanan Ramil Quliyevlə (100, 200 m) Ruslan Abbasov (100, 200 m) iştirak edəcəklər.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib