55 kq çəkidə ardıcıl ikinci il qitə çempionu adını qazanan R.Bayramovun sözlərinə görə, bu dəfəki uğuru daha əlamətdar olub: “Həm Avropa çempionu oldum, həm Pekin Olimpiadasına lisenziya qazandım, həm də finalda ermənini məğlub etdim. Əldə etdiyim uğurlara görə baş məşqçimiz Elçin Cəfərova minnətdaram. Onun üzərimdə böyük əməyi oldu”. Avropa çempionatının finalında Ermənistan təmsilçisi Roman Amoyana qalib gələn 21 yaşlı güləşçimiz bildirib ki, düşmən ölkə idmançısına məğlubiyyəti ağlına belə gətirməyib: “Düşünürdüm ki, erməniyə uduzsam, karyeramı necə davam etdirərəm?”
Qeyd edək ki, bu gecə Bakıya qayıdan yunan-Roma güləşçilərimizə qitə birinciliyində yeganə medalı R.Bayramov qazandırıb.

• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır
• Everest qalmaqalı: Zirvəni fəth edən ilk azərbaycanlı qadın kimdir?
• Anyma Formula 1 Azərbaycan Qran-Prisində çıxış edəcək
• Dünya Kubokunda medal qazanmış parapauerliftinqçilərlə görüş keçirilib